VAKKE EN LEERAREAS

Alle grade van graad 0 tot graad 12 word deur ons aangebied. Vir graad 12 word die materiaal soos voorgeskryf deur die BCVO (Beweging vir Christelike Volkseie Onderrig) gepak en ook deur hulle geëksamineer.

Algemene leerareas
Vir graad R tot graad 9 word al die voorgeskrewe verpligte leerareas aangebied. Afrikaans huistaal, Engels eerste addisionele taal, Wiskunde, Natuurwetenskappe (wetenskap en biologie), Sosiale wetenskappe (aardrykskunde en geskiedenis), Ekonomiese en bestuurswetenskappe, Tegnologie, Lewensoriëntering en Kuns en kultuur.

Grade R tot 7
Ons materiaal bied meer as die minimumvereistes wat deur die Onderwysdepartement voorskryf word. Dit word ook akademies verryk en saamgestel volgens bogenoemde beleid van Moria Tuisskoolmateriaal.

Grade 8 en 9
Alle voorgeskrewe leerareas soos hierbo uiteengesit (Algemene leerareas) word aangebied, plus twee keuse vakke, wat die kern vorm van die leerder se toekomstige beroepsrigting.

    Keuses:Vir die standaard prys kan twee addisionele vakke gekies word uit: Landbouwetenskap, Rekeningkunde, Bedryfsekonomie, Rekenaartegnologie (lg.  benodig “MS Office” rekenaarprogram met minstens Pentium I, 16 MB RAM en 400 MB HD-spasie), Toerisme, Tegniese tekeninge, Duits en Frans (ekstra koste), Bybelse Hebreeus en/of Grieks (ekstra koste)

Graad 10 tot 12

  Verpligtend: Afrikaans Engels, Lewensoriëntering en Wiskunde (gewone Wiskunde of Wiskundige geletterdheid)
Vir die standaard prys word 7 vakke geneem. Meer vakke kan geneem word, teen ekstra koste. Graad 11 kandidate word slegs toegelaat indien hulle graad 10 by Moria Tuisskoolmateriaal suksesvol voltooi het met minstens 60% gemiddeld.

  Keuses: (kies minstens 3): Fisiese wetenskap, Lewenswetenskap, Geografie, Landbouwetenskap, Rekeningkunde, Ekonomie, Besigheidstudie, Rekenaartoepassingstegnologie, Inligtingstegnologie (koop Delphi program ekstra) - lg. 2 vakke benodig “MS Office” rekenaarprogram -, Ingenieursgrafika en ontwerp (koop CAD program ekstra), Toerisme