TUISBLAD
Moria Tuisskoolmateriaal verskaf onderrigmateriaal in Afrikaans vir laer- en hoërskoolonderwys van graad R tot 12. Moria Tuisskoolmateriaal is ontwikkel en word bedryf deur ‘n span wat wissel tussen 20 en 30 verskillende vakspesialiste. Die stelsel is Bybelgefundeerd, van ‘n hoë akademiese standaard, eg Suid-Afrikaans en trou aan ons eie Afrikaner-kultuurmilieu.
Ons is dankbaar om te kan
sê dat ons nog geen matriek
druipeling gehad het nie. In 2009 was die top presteerder (DUX)
van die BCVO
skoolstelsel ‘n Moria-kandidaat met 8 onderskeidings. Van al die
punte op al
ons 2009-matrieksertifikate, is 36% onderskeidings.
Afrikaanssprekende ouers behoort hul kinders in hul moedertaal te onderrig. Navorsing dui op groter leersukses indien 'n kind, veral in die laer grade, onderrig in sy moedertaal ontvang.
Baie bewerings
word vandag, waarskynlik in onkunde, teen die tuisonderrigkonsep
ingebring. Feit is egter:
"There are 1,2 million school-age children home schooled in America,
..... scoring significantly higher on Standardized Achievement Tests
(SAT) than their public-school counterparts...... No significant
difference was found in student test scores, between those taught by a
parent with tersiary qualifications, and those without." (The Wall
Street Journal, 5 Maart 1997)
Die Pestalozzi Trust (Tuisskoolnuus, Vol 8 no 2, p.17) haal ook navorsingsresultate in Suid-Afrika aan. Bester (M.Ed. navorsing UNISA), het die gemiddelde persentasies in ‘n Europese standaardtoets van tuisonderwyskinders, vergelyk het met dié van staatskoolkinders. Vir basiese geletterdheid behaal tuisonderwyskinders ‘n gemiddeld van 90% (teenoor 48% van staatskole), syfervaardigheid 82% (teenoor 30%) en lewensoriëntering 81% (teenoor 47%). Dieselfde is gevind met betrekking tot die sosiale ontwikkeling van tuisonderwyskinders.
Daar is internasionaal genoeg objektiewe bewyse dat kinders in tuisonderrig, kop en skouers uitstyg bo hul eweknieë in staatskole.
